پنجاب ایجوکیشن فاؤنڈیشن کے تحت زیرِ تعلیم طلبہ کی تعداد 40 لاکھ تک پہنچ گئی، جو صوبہ پنجاب میں فروغِ تعلیم کی جانب ایک تاریخی سنگِ میل ہے۔ صرف 2 سالوں میں پیف کے تحت زیرِ تعلیم طلبہ کی تعداد 23 لاکھ سے بڑھ کر 40 لاکھ تک پہنچ گئی، جو وزیراعلیٰ پنجاب کے عوامی فلاحی وژن، معیاری تعلیم کے فروغ اور خصوصی توجہ کا منہ بولتا ثبوت ہے۔ اس اہم کامیابی کے موقع پر صوبائی وزیر تعلیم رانا سکندر حیات نے پیف آفس میں ٹیم کے ہمراہ کیک کاٹا اور اس کامیابی کو تعلیم کے فروغ کی جانب ایک تاریخی پیش رفت قرار دیا۔